جلسة أونلاين | 30 أكتوبر
الساعة 7 مساءً بتوقيت السعودية
بتراعي الكل…
بس وين حدودك إنتِ؟
مع أولادك، زوجك وأهلك… أحيانًا بتوافقي فوق طاقتك، وأحيانًا بتقولي «لا» وبترجعي تشكّي بقرارك.
كيف تعرفي شو تقبلي وشو ترفضي؟ وكيف تراعي احتياجاتك وتحافظي على قربك من اللي بتحبّيهم؟
شو رح نكتشف مع بعض؟
شو يعني حدود؟ أنواعها، وكيف بتظهر بمواقفك اليومية كأم.
ماذا أريد؟ وماذا يفهم؟ كيف توضحي احتياجك وتنتبهي للي وصل للطرف التاني.
مع الكبار ومع أولادك: كيف بتختلف الحدود حسب العلاقة ودورك فيها.
الحب والحدود: كيف يجتمعوا، وشو بيخلّيكِ أحيانًا تتردّدي بوضع حد.
1 دولار أمريكي فقط
هالجلسة إلك إذا…
بتقولي «حاضر» حتى ما يزعلوا، وبتزعلي من حالك بعدها.
أو بتخافي تكوني قاسية لما تحطّي قاعدة لأولادك.
أو بتتحمّلي وتسكتِي، لحدّ ما يطلع كل شي بعصبية.
رح تبدئي تشوفي مواقفك بوضوح أكتر: شو بدك؟ شو عم يفهم اللي قدّامك؟ وشو لازم تاخدي بعين الاعتبار قبل ما تحطّي حد؟
أُمهات بيبيميلونز
ممكن يخلص الخلاف…
بس أثره يضلّ معك
يمكن تكون رؤيتك لتربية ولادك واضحة، بس اللي بيصير بينك وبين زوجك عم يستنزف طاقتك، وبيصعّب عليكِ تطبّقي اللي بتعرفيه.
وبتلاقي حالك:
- بتعصّبي أسرع، وصبرك مع ولادك أقل.
- بتتشدّدي أكتر لأنك حاسّة إنك لحالك بالمسؤولية.
- بالك مشغول باللي صار مع زوجك، حتى وإنتِ قاعدة مع ولادك.
- بتعيدي نفس الطلب، وبيرجع الحوار يتحوّل لدفاع وهجوم.
- بتحاولي تبعدي ولادك عن الخلاف، ومع هيك بيوصلهم أثر التوتر بينكم.
إنتِ بتعرفي كتير عن التربية وعم تحاولي تطبّقيه. بس الوجع والاستنزاف ممكن يصعّبوا عليكِ ترجعي لهالمعرفة وقت الضغط.
«اللي بيننا أعقد من إن ورشة تغيّره…»
معك حق. سنوات من التراكمات ما بتنحلّ بوصفة أو كم جملة جاهزة.
دور هالورشة واضح: تساعدك تفهمي النمط اللي بيتكرّر بينكم، وتشوفي أثره على تربيتك، وتحدّدي شو بتقدري تغيّري، ووين تحتاجي تضعي حدًّا، وشو ممكن تتقبّليه كاختلاف.
ورح نبدأ من موقف حقيقي من حياتك، حتى يكون التطبيق قريب من اللي عم تعيشيه.
لما يتكرّر الموقف… بتشوفيه بوضوح أكتر
ممكن يرجع الخلاف على الشاشات، أو النوم، أو الحدود. بس هالمرة، بيكون عندك فهم أوضح للي عم يصير تحت ظاهر الموقف.
وحتى لو ضلّ الاختلاف، بتقدري تعبّري عن موقفك بوضوح أكتر، وتحافظي على طريقة تعاملك مع ولادك أقرب للي بتآمني فيه، وتفتحي مجال للتفاهم بينكم.
شو رح تتعلّمي
خلال هاليومين؟
اليوم الأول: تفهمي الأثر والنمط اللي بيتكرّر
رح تشوفي كيف اللي بيصير مع زوجك ممكن يأثّر على ردّك مع ولادك.
تتعرّفي على الطرق اللي بيظهر فيها التوتر بينكم في تربيتك.
تميّزي بين اللي عم يصير مع ابنك، واللي بعدك حاملتيه من الخلاف.
تفهمي النمط اللي بيتكرّر بينكم، والاحتياج اللي وراه.
اليوم التاني: من الفهم لقرار أوضح
رح تشتغلي على تحديد خطوتك، وكيف تعبّري عنها بوضوح.
كيف تبني المودة وقت الوفاق، وتستخدمي عدسة الرحمة وقت الخلاف.
كيف تميّزي بين التغيير، ووضع حدّ، وتقبّل الاختلاف.
كيف تعبّري عن احتياجك وقرارك بطريقة تساعد على تقليل الدفاع والانسحاب.
استثمارك بالورشة
1 دولار أمريكي
تاريخ الجلسة: 30 اكتوبر 2026
توقيت الجلسة: 7 مساء بتوقيت السعودية
انتهت فرصة الإنضمام للورشة،
نتمنى لك فرصة الحضور في المرات المقبلة
بعض قــــــــصص
نجاح أمهات بيبيميلونز
من هي د. إيمان بطيخة؟
مؤسسة أكاديمية بيبيميلونز التعليمية في كندا للانضباط الإيجابي والتربية الواعية والصحة النفسية للمربين في العالم العربي، مدربة معتمدة للتربية الواعية من معهد التربية الواعية، ومدربة معتمدة في التربية الإيجابية وعضوة في الجمعية الأمريكية لانضباط الإيجابي.
إنجازاتها:
ساعدت أكثر من 150 الف عائلة عربية في تحويل علاقتهم بأطفالهم
خدمت ملايين المربيين عبر المحتوى المجاني على منصات التواصل
اشتغلت مع آلاف الأمهات داخل Baby Melons Academy
أول من قدّم التربية الواعية بمنظور عربي ديني
طورت برامج متخصصة لتحديات العائلات العربية
ما يميز د. إيمان:
تفهم التحديات الخاصة بالبيت العربي
تربط العلم الحديث بقيمنا وديننا
تتكلم بلغتنا وتفهم ثقافتنا
نتائج حقيقية مع آلاف العائلات
أسلوب عملي وواقعي... مش نظري